Gellir olrhain gwreiddiau datganoli yng Nghymru yn ôl i ddiwedd y bedwaredd ganrif ar bymtheg. Ym 1886, sefydlwyd Cymru Fydd i hyrwyddo amcanion y Blaid Ryddfrydol yng Nghymru ac ymgyrchu o blaid “ymreolaeth” i Gymru. Er mai byrhoedlog fu llwyddiant Cymru Fydd, cyd-darodd ei weithgareddau â datblygiadau gwleidyddol eraill oedd yn berthnasol i Gymru, fel pasio Deddfau a oedd yn gymwys i Gymru’n benodol, am y tro cyntaf yn Senedd y DU. Roedd hefyd yn cyd-daro â chychwyn datganoli gweinyddol yng Nghymru drwy sefydlu Bwrdd Addysg Cymru ym 1907. Mwy o wybodaeth Hanes datganoli yng Nghymru
Pobl ifanc yw'n dyfodol, ac mae St John Cymru yn falch o ddarparu llawer o gyfleoedd a rhaglenni datblygu i unigolion rhwng 5 a 25 oed. Mae'r rhaglenni hyn yn helpu i addysgu sgiliau cymorth cyntaf hanfodol, maent yn gyfle i wneud ffrindiau ac ymgymryd â heriau newydd cyffrous. Mae St John Cymru yn sefydliad ieuenctid mawr ac mae dros hanner o'n 4,500 o wirfoddolwyr o dan 18 oed. Gall unigolion gofrestru i fod yn ‘Badger’ neu'n ‘Cadet’, ac mae llawer o'n haelodau hŷn yn symud ymlaen i fod yn Arweinwyr Ieuenctid gan chwarae rôl hanfodol yn natblygiad ein pobl ifanc.
Mae'n bleser gennym wahodd enwebiadau ar gyfer Gwobrau Rhagoriaeth mewn Gwaith Ieuenctid! Cynhelir y Gwobrau Rhagoriaeth mewn Gwaith Ieuenctid yng Nghaerdydd ar 23 Mehefin 2017. Mae'r noson yn gyfle i gydnabod a dathlu prosiectau gwaith ieuenctid a gweithwyr ieuenctid rhagorol ledled Cymru. Am mwy o wybodaeth: Gwaith Ieuenctid 2017
2017 yw Blwyddyn Chwedlau Cymru – cyfle i ddathlu’r gorffennol, y presennol a’r dyfodol trwy ddod â’r gorffennol yn fyw mewn ffordd na welwyd mo’i debyg o’r blaen, gydag atyniadau, digwyddiadau, a gweithgareddau mewn lleoliadau chwedlonol yng Nghymru. Y gobaith yw creu chwedloniaeth newydd yng Nghymru, trwytho ymwelwyr yn ein stori epig, a chreu profiadau chwedlonol. 2017 Flwyddyn Chwedlau Cymru
Adnodd newydd yw AGENDA i ysgolion a chlybiau ieuenctid yng Nghymru, sy’n ddwyieithog ac ar gael am ddim.
Ei bwrpas yw i fynd i’r afael â materion fel cydraddoldeb rhywiol, trais ar sail rhyw, ac aflonyddu rhywiol mewn ysgolion.
Mae’n hyrwyddo perthnasau iach ac yn cynnig syniadau creadigol iawn i bobl ifanc er mwyn iddyn nhw siarad am, a dysgu am y materion hyn yn eu hysgolion. Mae e ar gael i lawrlwytho yma.
